വിശുദ്ധ  സെർവാസിയുസ് ഇടവക പള്ളിയുടെ വിശുദ്ധ വസ്തു ശേഖരത്തിലേയ്ക്കു സ്വാഗതം

എക്സിഹിബിഷൻ ഗൈഡിൻറെ ഹൃസ്വരൂപം

സീഗ്ബുർഗ് വിശുദ്ധ  സെർവാസിയുസ് ഇടവക പള്ളിയുടെ മുകളിലെ ഗാലറിയിൽ ഓരോ അറകളിലായി നാലു ദിവ്യ സ്മാരക പേടകങ്ങളിലാണ് തിരു ശേഷിപ്പുകൾ  സൂക്ഷിച്ചിരിക്കുന്നത്. ഈ നാലു പേടകങ്ങളും അതിമനോഹരമായി അലങ്കരിക്കപ്പെട്ട, മദ്ധ്യകാല ഭവനങ്ങളുടെ രൂപത്തിലാണ് പണിതീർത്തിരിക്കുന്നത്. അതാതു വിശുദ്ധന്മാരുടെ സ്വർഗീയ ഭവനങ്ങൾ തീർത്ഥാടകർക്ക് മുൻപിൽ പ്രദർശിപ്പിക്കുക എന്നതാണ് നിർമ്മിതാക്കളുടെ ലക്ഷ്യം. കഷ്ടതകളും നൈരാശ്യവും പെരുകിയ കാലങ്ങളിൽ ഈ പേടകങ്ങളും വഹിച്ചു കൊണ്ട് വിശ്വാസികൾ ആദരപൂർവ്വം റോഡുകളിലൂടെ പ്രദക്ഷിണമായി പോകുന്നത് ലോകമെൻപാടുമുള്ള  തീർത്ഥാടകരെ പ്രത്യേകിച്ച് ആകർഷിച്ചിരുന്നു   .

കൊളോൺ ആർച്ചു ബിഷപ്പ് ആയിരുന്ന വിശുദ്ധ അന്നോ രണ്ടാമൻറെ പേടകം (ഷോകേസ് നമ്പർ - 4) വളരെ ശ്രദ്ധേയമാണ്. 1064 -മാണ്ടിൽ  വിശുദ്ധ അന്നോ മൈക്കൽസ്ബെർഗിൽ  ഒരു ബെനഡിക്ടിൻ ആശ്രമം  സ്ഥാപിക്കുകയും, നിരവധി വിശുദ്ധരുടെ അമൂല്യങ്ങളായ തിരുശേഷിപ്പുകൾ അദ്ദേഹം  ആശ്രമത്തിനു  സമ്മാനിക്കുകയും ചെയ്തു.

ഇവിടുത്തെ അമൂല്യ ശേഖരണത്തെ സംബന്ധിച്ചുള്ള എല്ലാ അവകാശവും ആശ്രമത്തിനു ലഭിച്ചു. ആശ്രമാധിപതികളുടെ ഭരണത്തിൻ കീഴിൽ മലയുടെ താഴെയുള്ള താമസയോഗ്യമായ സ്ഥലം അതിവേഗം വളർന്നു സീഗ്ബെർഗ് പട്ടണമായിത്തീർന്നു . 1075 - ൽ വിശുദ്ധന്റെ മരണശേഷം    മൃതദേഹം അദ്ദേഹത്തിൻറെ ആഗ്രഹപ്രകാരം സീഗ്ബെർഗ് ആശ്രമത്തിലെ പള്ളിയിൽ സംസ്കരിച്ചു. 1183 ൽ അദ്ദേഹം വിശുദ്ധനായി ്രഖ്യാപിക്കപ്പെട്ടപ്പോൾ തിരുശേഷിപ്പുകൾ ഭക്ത്യാദരവുകളോടെ ആഘോഷമായി ഒരു പേടകത്തിലേക്കു മാറ്റി സൂക്ഷിച്ചു.

700 ൽ അധികം വർഷങ്ങൾ ക്കു ശേഷം നെപ്പോളിയൻ റൈൻലാൻഡ് കൈയടക്കിയപ്പോൾ ഈ ആശ്രമവും  അടച്ചുപൂട്ടി. അതിലുണ്ടായിരുന്ന തിരുശേഷിപ്പുകൾ വിശുദ്ധ സെർവാസിയൂസ് പള്ളിക്ക് (1812 ) നൽകപ്പെട്ടു

ഏതാനും കാലം പിന്നിലേക്കു നോക്കിയാൽ മദ്ധ്യകാലത്ത് എന്നോ ഒരിക്കൽ മരം കൊണ്ടു തീർത്ത ഒരു പെട്ടിയിലായിരുന്നു തിരു ശേഷിപ്പുകൾ സൂക്ഷിച്ചിരുന്നത്,  അത് ഇന്നും ( ഷോകേസ് നമ്പർ 5 ) കാണാം. ഇത്  ആദി രൂപം തന്നെയാണ് . തീരെ മോശമായ അവസ്ഥ കാരണം ഇരുപതാം നൂറ്റാണ്ടിൽ ഇത് പുതിയ ഒന്നിലേക്ക്  മാറ്റി വയ്ക്കേണ്ടിവന്നു എല്ലാ പേടകങ്ങളിലും ഇങ്ങനെയൊരു സംവിധാനവും ഇതിന്മേലെല്ലാം അലങ്കാരകൊത്തു പണികളും  ചെയ്തിട്ടുണ്ട്

പേടകത്തിന്മേലുള്ള പല രൂപാലങ്കാരങ്ങളും വ്യക്തമല്ലന്നത്  ഒരുപക്ഷെ നിങ്ങൾ ശ്രദ്ധിച്ചു കാണും . പേടകങ്ങൾ വച്ചിരിക്കുന്ന മൂന്നാമത്തെ അറയിൽ നമുക്ക് ആ ചിത്രങ്ങൾ കാണാം (പതിനെട്ടാം നൂറ്റാണ്ട് ) (ഷോകേസ് നമ്പർ11,14). 

പത്തൊമ്പതാംനൂറ്റാണ്ടിൻറെ ആരംഭത്തിൽ വിശുദ്ധ അന്നോ പേടകത്തിന്റെ രൂപാലങ്കാരപ്പണികൾ കൊള്ളയടിക്കപെടുന്നതിനു മുൻപ് ഉണ്ടാക്കിയതാണിവ . അതിൽനിന്നും ഈ പേടകത്തിൻറെ ആദ്യ രൂപം എന്തായിരുന്നെന്ന്  നമുക്ക് ഊഹിക്കാം .

അവസാനത്തെ അറയിൽ വളരെ പഴയതും വിലയേറിയതുമായ പട്ടു തുണി കളുടെ ശകലങ്ങൾ പ്രദർശനത്തിനു വച്ചിട്ടുണ്ട് ഇവയിൽ പൊതിഞ്ഞാണ് തിരുശേഷിപ്പുകൾ പേടകത്തിൽ സൂക്ഷിച്ചിരുന്നത് (ഷോകേസ് നമ്പർ 19 -21 -23 -24 -25 - 26 - 28).  ഇവയ്ക്കു പുറമേ പേടകങ്ങളിൽ തിരുശേഷിപ്പുകൾ വച്ചിരുന്ന ഏതാനും ചില ചെറിയ ബോക്സുകളും നിങ്ങൾക്ക് കാണാം (ഷോകേസ്.20,22) ഈ തുണി ശകലങ്ങളും ബോക്സുകളും എന്നന്നേക്കുമായി സൂക്ഷിക്കുവാൻ കഴിയാത്തതിനാൽ ആ സ്ഥാനത്ത് പുതിയവ സ്ഥാപിച്ചിരിക്കുന്നു.  അങ്ങനെ നിങ്ങൾക്ക് ഒറിജിനലുകൾ ഇവിടെ കാണുവാൻ സാധിക്കുന്നു. ഞങ്ങളുടെ തിരുശേഷിപ്പു ശേഖരത്തിൽ ഇനിയും പല അമൂല്യ വസ്തുക്കളും ഉണ്ട്. ആനക്കൊമ്പിൽ നിർമ്മിച്ച വിശുദ്ധ അന്നോയുടെ ചീർപ്പ്, ലിറ്റർജിയിൽ ഉപയോഗിച്ചിരുന്ന സ്ഥാന വടി (എപ്പിസ്കോപ്പൽ സ്റ്റാഫ്), പാലിയം ( അധികാര മുദ്രയായി മാർപാപ്പ ബിഷപ്പ് അന്നോ രണ്ടാമന് നൽകിയത്), (ഷോകേസ് നമ്പർ 14 - 17 -27 )കൂടാതെ അരളിക്കകൾ, കൊണ്ടുനടക്കാവുന്ന അൾത്താരകൾ, ദിവ്യബലി അർപ്പണത്തിന് ആവശ്യമായ വസ്തുക്കൾ  തുടങ്ങിയവയും നിങ്ങൾക്ക് കാണാം

ഈ പുണ്യവസ്തു ശേഖരത്തിൽ സൂക്ഷിക്കപെടുന്ന എല്ലാ വസ്തുക്കളും കഴിഞ്ഞ ആയിരം വർഷങ്ങളിൽ സീഗ്ബെർഗ് നിവാസികൾ പുലർത്തിപ്പോന്ന അചഞ്ചലമായ ദൈവ വിശ്വാസത്തിന്റെ ഉത്തമ സാക്ഷ്യങ്ങളാണ്